Um A4

A4 Sp/f veitir professionellar vørur og praktiskar loysnir til handverkarar, verkstøð, montørar, vinnu og aðrar fyritøkur í Føroyum, Íslandi og Grønlandi.

Vit hava eitt breitt úrval av vørum til vinnuna, millum annað amboð, skrúvur og festitilfar, kemiskar vørur, trygdarvørur, verkstaðsútgerð og vørur til innlegging. Okkara mál er at gera tað lætt hjá fyritøkum at fáa tær røttu vørurnar, í góðari góðsku, við álítandi tænastu og lokalari hjálp.

Men A4 er meira enn bara ein vøruleverandørur. Vit hjálpa eisini kundum at arbeiða lættari og skilabetri við nútímans og praktiskum loysnum, sum spara tíð og bøta um arbeiðsdagin.

Hetta fevnir millum annað um goymsluloysnir, har vit hjálpa kundanum at skipa og fylla upp vørugoymsluna, so starvsfólkini kunnu brúka minni tíð upp á at halda skil á vørunum og meira tíð upp á arbeiðið, sum skapar virði. Vit bjóða eisini loysnir sum RECA I-Storage automatloysnir og RECA Maxmobil innrættingar til arbeiðsbilar, sum hjálpa kundum at fáa betri skil, yvirlit og effektivitet á arbeiðsplássinum og í arbeiðsbilunum.

Vit arbeiða tætt saman við sterkum evropeiskum veitarum og vilja vera ein álítandi samstarvspartnari til bæði dagligan tørv og meira serligar fakligar loysnir. Um kundin hevur brúk fyri vørum til verkstaðið, bilin, byggiplássið, framleiðsluna ella sjóvinnuna, so er okkara mál tað sama: at gera arbeiðið lættari og meira effektivt.

Hjá A4 halda vit, at góð tænasta er líka týdningarmikil sum góðar vørur. Tí leggja vit dent á persónligt samband, praktiska ráðgeving og loysnir, sum passa til tann mátan, kundarnir veruliga arbeiða upp á.